आधुनिक केसरी न्यूज
भोकरदन : प्रभाग क्रमांक ९ मधील म्हाडा, निमरा,नूतन, शिवाजीनगर,हबीब, रफिक कॉलनी, आयेशा मस्जिद परिसरासह पुखराज, गणराज व देवराज नगरात पावसामुळे गटारी, नाले आणि साचलेल्या पाण्याची समस्या गंभीर होत आहे. परिणामी डासांचा प्रादुर्भाव वाढून डेंग्यू, मलेरिया, चिकुनगुनियाचा धोका निर्माण होण्याची शक्यता आहे.याप्रकरणी नगरसेवक तथा प्रतोद अब्दुल कदीर शब्बीर (बापू) यांनी ग्रामीण रुग्णालयाच्या वैद्यकीय अधिकाऱ्यांकडे निवेदन देत आरोग्य सेवकांमार्फत नियमित पाहणी,नागरिकांमध्ये जनजागृती आणि डासांची उत्पत्ती रोखण्यासाठी तातडीच्या उपाययोजनांची मागणी केली.साचलेल्या पाण्यावर अँटी-लार्वा औषधाची फवारणी,गरजेनुसार फॉगिंग आणि नगर परिषद-आरोग्य विभागाचा समन्वय साधून कारवाई करावी, अशी मागणी करण्यात आली आहे.डास वाढण्याआधी उपाययोजना करा असा थेट इशारा देत नागरिकांच्या आरोग्याशी संबंधित हा प्रश्न प्रशासनाने गांभीर्याने घ्यावा,अशी अपेक्षा अब्दुल कदीर शब्बीर यांनी व्यक्त केली.
Comment List