आधुनिक केसरी न्यूज
महेश गायकवाड
सोलापूर : हैदराबाद राष्ट्रीय महामार्गावर अणदूर जवळ आज (शनिवारी) सकाळी एक अत्यंत भीषण अपघात झाला आहे. या भीषण अपघातात 5 जणांचा जागीच मृत्यू झाला असून, मृतांमध्ये तीन महिलांचा समावेश आहे. प्राथमिक माहितीनुसार, दक्षिण उळे (सोलापूर) येथील रहिवासी असलेले हे प्रवासी एका क्रुझर जीपमधून सोलापूरहून नळदुर्ग येथील देवदर्शनासाठी निघाले होते.
सोलापूर-हैदराबाद राष्ट्रीय महामार्गावरील धाराशिवजवळील अणदूर परिसर. अचानक क्रुझर गाडीचे टायर्स फुटले, त्यामुळे चालकाचे गाडीवरील नियंत्रण सुटले. अनियंत्रित झालेली ही जीप रस्त्यावरील एका ट्रॅक्टरला धडकली आणि त्यानंतर रस्त्यावर पलटी झाली. धडक इतकी जोरदार होती की, गाडीच्या एका बाजूचा पूर्णपणे चेंदामेंदा झाला.
नागरिकांची मदत आणि बचावकार्य!
अपघात होताच आजूबाजूचे नागरिक तात्काळ मदतीसाठी धावले. नागरिकांनी तातडीने एकत्र येत जोर लावून पलटी झालेली क्रुझर गाडी सरळ केली. त्यानंतर गाडीतून मृतदेह आणि गंभीर जखमी झालेल्या प्रवाशांना बाहेर काढले.
स्थानिक नागरिकांनी मृतदेह रस्त्यावर ठेवून प्रशासनाला माहिती दिली. सध्या पोलीस आणि स्थानिक प्रशासनाकडून बचावकार्य आणि पुढील तपास सुरू आहे.
या अपघातामुळे सोलापूर-हैदराबाद महामार्गावरील वाहतूक काही काळ विस्कळीत झाली होती. रस्त्यांवरील अपघात टाळण्यासाठी वाहन चालवताना वेग मर्यादेचे पालन करणे आणि क्षमतेनुसारच प्रवासी वाहतूक करणे किती महत्त्वाचे आहे, हे या घटनेतून पुन्हा एकदा स्पष्ट झाले आहे.
धाराशिव अपघातातील मृतांमध्ये तीन महिला असून दोन पुरुष आहेत, अपघातावेळी क्रुझरमधील प्रवासी सोलापूर हून नळदुर्गकडे निघाले होते. या अपघातामुळे सोलापूर-हैदराबाद महामार्गावरील वाहतूक अनेक तास विस्कळीत झाली होती
अपघातातील जखमींना उपचारासाठी सर्वांना सोलापूर येथील रुग्णालयात दाखल केले आहेत.
Comment List