अंजनी येथे शक्तिपीठ महामार्गाची मोजणी रोखली शेतकऱ्यांचा विरोध बघून मोजणी अधिकाऱ्यांचा गावातून काढता पाय..!

आधुनिक केसरी न्यूज

सचिन सरतापे 

म्हसवड : शक्तीपीठ महामार्ग रद्दच झाला पाहिजे या मागणीसाठी गेली दीड वर्षापासून शेतकरी कामगार पक्षाच्या वतीने नागपूर गोवा शक्तिपीठ महामार्ग बाधीत शेतकरी संघर्ष समितीचे बॅनर खाली १२ जिल्ह्यातील बाधीत शेतकऱ्यांना एकजूट करून लढा उभा केला आहे. सांगली जिल्ह्यातील शक्तिपीठ महामार्ग बाधीत शेतकऱ्यांनी आपल्या जमिनी देण्यास तीव्र विरोध केला आहे.. तासगांव कवठे महांकाळ मिरज तालुक्यातील अनेक बाधीत गावातील शेतकऱ्यांनी एकजुटीने १००% नकार दिला आहे.. मोजणी अधिकाऱ्यांना वावरात पाय ठेवू दिला नाही.. आज अंजनी गावात शक्तिपीठ महामार्गाच्या मोजणी साठी अधिकारी आले असता त्यांना गावातील चौकात अडवून  तिसंगी, डोंगरसोनी , सावळज , कवलापूर, मणेराजुरी, व इतर गावात मोजणी अधिकारी यांनी गावातील चावडीत बसून सर्व बाधीत शेतकऱ्यांनी दिलेला नकार लिखित स्वरूपात पंचनामा करून शासनास कळविले आहे..आज अंजनी येथील सर्व बाधीत शेतकऱ्यांनी सर्व शेतकऱ्यांचा  आमच्या सर्व शेतकऱ्यांचा विरोध आहे लिखित पंचनामा करून आमचा नकार शासनास कळवावा  अशी विनंती केली असता  मोजणी साठी आलेल्या अधिकाऱ्यांनी आडमुठी भूमिका घेऊन ..आम्ही पंचनामा करणार नाही..असे सांगितले सर्व शेतकऱ्यांनी ठणकावून सांगितले..उद्या पासून शक्तिपीठ महामार्ग मोजणी साठी आमच्या अंजनी गावात अजिबात फिरकायचे नाही.. परत याल तर शेतकऱ्यांच्या तीव्र विरोधाला सामोरे जावे लागेल.. शेतकऱ्यांच्या संताप लक्षात घेऊन अधिकाऱ्यांनी गावातून काढता पाय घेतला..
 यावेळी शेतकरी कामगार पक्षाचे नेते भाई दिगंबर कांबळे संघर्ष समितीचे राज्य संपर्क प्रमुख शरद पवार गव्हाण, संघर्ष समितीचे प्रवक्ते  दत्तात्रय पाटील, विकास पाटील, आनंदा मंडले, धनाजी पाटील, बाळासो पाटील, जगन्नाथ पाटील, रफिक मुलाणी, आदम मुलाणी, झाकीर मुलाणी,संजय पाटील, नामदेव निंबाळकर, मानसिंग निंबाळकर, मिरासो मुलाणी, दिनकर पाटील, बाळासो वाघमारे, सुभाष जमदाडे, बाळासाहेब लांडगे व इतर बाधीत शेतकरी उपस्थित होते.