कॅनॉल मध्ये उडी मारून आत्महत्या करणाऱ्या महिलेचे पोलीस कर्मचाऱ्यांनी वाचवले प्राण

आधुनिक केसरी न्यूज 

अक्षय देशमुख.

पर्वती : पोलीस स्टेशन पर्वती दर्शन बीट मार्शल वरील पोलीस अंमलदार किरण पवार व पोलीस अंमलदार राहुल उन्हाळे हे दि.११/०८/२०२५ रोजी रात्रपाळी डयुटीवर असताना रात्री २३/३० वा.च्या सुमारास सावरकर चौक येथुन मित्रमंडळ चौकाकडे निघाले असता त्या ठिकाणी कैनाल संरक्षक जाळीचे आतील कठड्यावर एक २५ वर्ष वयाची महिला आत्महत्या करण्यासाठी उभी होती. लोक तिला बाहेर ये म्हणत होते. त्यावेळी मार्शल ड्युटीवरील अंमलदार हे त्या ठिकाणी गेले तेवढ्यात त्या महिलेने पुर्ण क्षमतेने वाहत असलेल्या कॅनालचे पाण्यात उडी मारली. त्यावेळी पोलीस अंमलदार किरण पवार यांनी स्वतःच्या जिवाची पर्वा न करता कॅनालमध्ये उडी घेवुन वाहत्या पाण्यात बुडत असलेल्या महिलेस कॅनालमधुन बाहेर काढून तिचा जीव वाचविला. त्यावेळी पोलीस अंमलदार राहुल उन्हाळे यांनीही त्या महिलेस बाहेर काढण्यास मदत केली त्यावेळी त्या ठिकाणी सदर महिलेचे मित्र व नातेवाईक आले. तिला उपचारार्थ राव हॉस्पीटल येथे नेले त्या महिलेची प्रकृती चांगली आहे.पोलीस अंमलदार किरण पवार व पोलीस अंमलदार राहुल उन्हाळे यांचे उल्लेखनीय कामगिरीबद्दल तसेच सदर कामगिरीबाबत मा पोलीस आयुक्त, पुणे शहर श्री अमितेश कुमार, मा पोलीस सह आयुक्त, पुणे शहर श्री. रंजनकुमार शर्मा, मा.अपर पोलीस आयुक्त, पश्चिम प्रादेशिक विभाग, पुणे शहर श्री राजेश बनसोडे, मा. पोलीस उप-आयुक्त परिमंडळ ०३, पुणे शहर श्री. संभाजी कदम, मा. सहाय्यक पोलीस आयुक्त सिंहगड रोड, पुणे शहर श्री. अजय परमार, वरीष्ठ पोलीस निरीक्षक श्री. नदकुमार गायकवाड, पोलीस निरीक्षक (गुन्हे) श्रीमती अनिता हिवरकर यांनी व्यक्तीश त्यांचा सन्मान कैला तसेच मा. पोलीस उप-आयुक्त परिमंडळ ०३ पुणे शहर यानी प्रत्येकी १० हजार रुपयाचे रिवार्ड जाहीर केले. नागरिकांकडुन ही त्यांचे सर्वत्र अभिनंदन होत आहे.