मोताळा तहसीलदार दोन लाखांची लाच घेताना पकडला..!

आधुनिक केसरी न्यूज

अकोला : एसीबीची  बुलढाणा शहरात कारवाई शेगांव दिपक सुरोसे बुलढाणा जिल्ह्यातील मोताळा तहसीलदार हेमंत पाटील यांना  दोन लाख रुपयांची  लाच स्वीकारताना रंगेहात पकडण्यात आले. अगोदर निर्लज्जप्रमाणे लाच स्विकारल्यावर 'संशय' आल्यावर मात्र या अधिकाऱ्याने  नोटा  शोचालयात फेकून पुरावा नष्ट करण्याचा  असफल प्रयत्न केला. मात्र त्याचा हा प्रयत्न असफल ठरवून पथकाने दोन लाखांच्या नोटा जप्त करीत तहसीलदार  हेमंत पाटील यास ताब्यात घेतले. बुलढाणा शहर पोलीस ठाण्यात आरोपी तहसीलदार पाटील याच्या विरुद्ध गुन्हा लाच लुचपत प्रतिबंधक कायद्याच्या विविध कलम नुसार गुन्हा दाखल करण्यात आला आहे. मोताळा  तालुक्यातील थड

येथील  गट क्रमांक ३३ मधील १. ६१ हेक्टर जमीन विकण्यासाठी  तक्रार कर्त्याने भोगावटदार  वर्ग २ मधून वर्ग १ मध्ये करण्यासाठी मोताळा तहसील कार्यालयात रीतसर अर्ज दाखल केला. मात्र  त्यासाठी तहसीलदार पाटील याने प्रति एकर ५० हजार रूपये प्रमाणे २ लाखांची मागणी केली.  मात्र लाच देण्याची तयारी नसल्याने  अकोला लाच लुचपत प्रतिबंधक विभाग कडे तक्रार केली. अगोदर याची पडताळणी करण्यात आल्यावर आज पथकाने  हेमंत पाटील याच्या बुलढाणा येथील निवास स्थानी  सापळा रचण्यात आला.  यावेळी तहसीलदार याने  दोन लाख स्वीकारले. मात्र  नंतर ते फेकून पुरावा नष्ट करण्याचा प्रयत्न केला. दरम्यान या प्रकरणी  बुलढाणा पोलीस ठाण्यात गुन्हा दखल करण्याची कारवाई  रात्री उशिरापर्यंत सुरु होती. अमरावती परीक्षेत्राचे पोलीस अधीक्षक मारोती जगताप यांच्या मार्गदर्शनात  अकोला पोलीस उप अधीक्षक मिलिंद बहाकार यांच्या पथकने केली. यात पोलीस निरीक्षक अतुल इंगोले, दिगंबर जाधव, अमिताभ पाचपोर, गोपाल किरडे, संदीप ताले, अस्लम शहा, निलेश शहाकार यांचा समावेश होता.