पोलीस महानिरीक्षकांनी घेतली आमदार करण देवतळे यांची भेट

By Aadhunik Kesari

On 31 Aug 2025 15:17:14

पोलीस महानिरीक्षकांनी घेतली आमदार करण देवतळे यांची भेट

आधुनिक केसरी न्यूज

वरोडा : पोलीस महानिरीक्षक संदीप पाटील हे चंद्रपूर जिल्ह्याच्या दौऱ्यावर असताना त्यांनी वरोडा भद्रावती विधानसभा क्षेत्राचे आमदार करण देवतळे यांच्या निवासस्थानी जाऊन त्यांची भेट घेतली. या भेटीदरम्यान पोलीस प्रशासनाद्वारे समाजात कायदा सुव्यवस्था राखणे तसेच जनतेच्या सुरक्षेच्या दृष्टीने सुरू असलेले प्रयत्न व चंद्रपूर जिल्ह्याच्या विकासासंदर्भात त्यांनी आमदार महोदयांशी सविस्तर चर्चा केली. नागरिकांना सुरक्षित वातावरण मिळावे.कायदा व सुव्यवस्था मजबूत व्हावी यासाठी प्रशासन व लोकप्रतिनिधी यांचा समन्वय अधिक प्रभावी ठरेल असा विश्वास यावेळी आमदार करण देवतळे यांनी व्यक्त केला. आपल्या चंद्रपूर जिल्ह्याच्या दौऱ्यामुळे जनतेत विश्वास दृढ झाला असून प्रशासन व नागरिक यांच्यातील परस्पर नाते अधिक सक्षम होण्यास मदत होईल असे मत यावेळी महानिरीक्षक संदीप पाटील यांनी व्यक्त केले. यावेळी चंद्रपूर जिल्हा पोलीस अधीक्षक मुम्मका सुदर्शन हेही त्यांच्यासोबत होते.