मिनी ट्रकने धडक दिल्याने दुचाकी चालकाचा मृत्यू

By Aadhunik Kesari

On 26 Jul 2025 13:10:44

मिनी ट्रकने धडक दिल्याने दुचाकी चालकाचा मृत्यू

आधुनिक केसरी न्यूज

गोंदिया : अर्जुनी मोरगाव पोलीस ठाण्याअंतर्गत येणाऱ्या बोडगाव देवी मार्गावर २५ जुलै रोजी संध्याकाळी एका दुचाकी चालकाचा मिनी ट्रकने धडक दिल्याने मृत्यू झाल्याची घटना उघडकीस आली. मृत तरुणाचे नाव बोडगाव देवी निवासी सुमेध जयदेव रामटेके (वय २७) असे या आहे. मिळालेल्या माहितीनुसार, सुमेध रामटेके शुक्रवारी त्यांच्या मोटारसायकल क्रमांक एमएच ३५ एपी ४८५३ वर अर्जुनी मोरगाव येथे गेले होते. संध्याकाळी ते गावी परत येत असताना बोंडगाव देवीजवळ एमएच ३१, एम ८०६३ क्रमांकाच्या मिनी ट्रकने त्यांच्या मोटारसायकलला धडक दिली. या घटनेत सुमेध गंभीर जखमी झाला. जखमी अवस्थेत रस्त्यावरच पडला होता. तेथून जाणाऱ्या नागरिकांनी हे पाहताच १०८ क्रमांकाच्या रुग्णवाहिकेला बोलावले. यानंतर, जखमी सुमेधला ग्रामीण रुग्णालयात अर्जुनी मोर येथे दाखल करण्यात आले आणि प्राथमिक उपचारानंतर त्याला गोंदिया येथे रेफर करण्यात आले, जिथे त्या तरुणाचा मृत्यू झाला.