गोंदियात पावसाचे थैमान जिल्हा प्रशासन अलर्ट जिल्ह्यातील शाळांना सुट्टी जाहीर

By Aadhunik Kesari

On 26 Jul 2025 13:14:04

आधुनिक केसरी न्यूज

गोंदिया : 25 जुलै च्या मध्यरात्रीपासूनच मुसळधार पावसाला सुरुवात झाली. पावसाच्या जोर बघता जिल्हा प्रशासनाने जिल्ह्यातील सर्व शाळांना सुट्टी जाहीर केली आहे. एकीकडे बळीराजा सुखावला आहे तर दुसरीकडे शहरात मात्र अनेक ठिकाणी तुडुंब पाणी भरल्यामुळे नागरिकांची चांगलीच तारांबळ उडाली. चाकरमान्यांना सकाळी आपल्या कामावर जाताना पावसाचा सामना करावा लागला. पाऊस अधिक असल्याने शेतकऱ्यांनी धनाची ऋणी बंद केली आहे. जिल्ह्यातील नदी नाले उसळून वाहत आहेत. आजच्या मुसळधार पावसामुळे पुन्हा एकदा गोंदिया नगरपरिषद व जिल्हा सामान्य रुग्णालयाचा गलथान पणा समोर आला आहे जिल्हा महिला रुग्णालयात पाणी साचल्यामुळे साथीच्या आजारांना आमंत्रण दिले जात आहे. तर दुसरीकडे शहरातील रेल्वे अंडरग्राउंड मार्ग संपूर्ण पाण्याने वाहून जात असल्याने मार्ग बंद करण्यात आलेला आहे. एकंदरीत मुसळधार पावसाने जिल्ह्याला चांगले झोडपून काढले आहे.मुसळधार पाऊस सुरू असून सध्या तरी कोणतीही घटना झालेली नाही