लाचखोरी : तलाठी महिलेवर धुळे एसीबीची कारवाई 

आधुनिक केसरी न्यूज 

आकाश सोनवणे 

धुळे : पारोळा येथील तलाठी वर्षा रमेश काकुस्ते, यांनी तक्रारदाराकडून अधिकचे  25 हजाराच्या लाचीची मागणी केली धुळे लाच लुचपत प्रतिबंध विभाग यांनी सापळा रचून तलाठी  वर्षा काकुस्ते यांच्यावर कारवाई करण्यात आले आहे . तलाठी वर्षा रमेश काकुस्ते, यांनी 25 हजाराच्या लाचीची मागणी केली होती. यातील तक्रारदार यांचा विट उत्पादनाचा व्यवसाय असून त्यांनी आरोपी यांचेकडे गौण खनिजाच्या रॉयल्टीपोटी 25000/- रुपये रक्कम कडे जमा केली होती. सदर रक्कमेची पावती न देता माती वाहतूक करण्यासाठी तलाठी ह्या अतिरिक्त 25,000/- लाचेची मागणी करीत असल्याबाबतची तक्रार तक्रारदार यांनी दिली होती. तक्रारीच्या अनुषंगाने पडताळणी केली असता तलाठी यांनी पंचांसमक्ष  तक्रारदार यांच्याकडे 25000/- रुपये लाचेची मागणी करून सदर लाच रक्कम स्वीकारण्याचे मान्य केले. त्यामुळे तलाठी काकूस्थे यांच्या विरुद्ध  पारोळा पोलीस स्टेशन, धुळे येथे भ्रष्टाचार प्रतिबंध अधिनियम, सन 1988 चे कलम 7  प्रमाणे गुन्हा दाखल करण्याची प्रक्रिया चालू आहे. सदरची कारवाही परिवेक्षण अधिकारी :अभिषेक पाटील पोलीस उपअधिक्षक लाचलुचपत प्रतिबंधक विभाग, धुळे सापळा तपासी अधिकारी रूपाली खांडवी,पोलीस निरीक्षक, लाचलुचपत प्रतिबंधक विभाग धुळे सापळा पथक :  पो.हवा.राजन कदम पो. शि. प्रशांत बागुल,चालक पो. शि. बडगुजर सर्व नेमणूक ला.प्र.वि. धुळे मार्गदर्शक : -मा.श्रीमती शर्मिष्ठा घारगे-वालावलकर पोलीस अधीक्षक, ला.प्र.वि,नाशिक परीक्षेत्र, नाशिक माधव रेड्डी अपर पोलिस अधिक्षक, ला.प्र.वि.नाशिक परिक्षेत्र नाशिक नरेंद्र पवार वाचक, पोलीस उपअधीक्षक,ला.प्र.वि. नाशिक अश्यानी केली.