राहुरीत विवाहित तरुणाची राहत्या घरात गळफास घेऊन आत्महत्या !

आधुनिक  केसरी न्यूज
 
राहुरी : ता.13 राहुरीतील प्रसिद्ध हॉटेल व्यावसायिक राजेश उर्फ आण्णा धनंजय नगरकर ,वय-४६ वर्षे, या युवकाने काल दुपारी राहुरी शहरातील आपल्या राहत्या घरात गळफास घेऊन आत्महत्या केल्याचा प्रकार घडल्याने एकच खळबळ उडाली आहे.या घटनेची समजलेली माहिती अशी की, राहुरी शहरातील प्रसिद्ध हॉटेल व्यासायिक राजेश उर्फ आण्णा धनंजय नगरकर या युवकाने आपल्या आजाराचे मानसिक टेन्शन घेऊन आत्महत्या केल्याचा प्रकार घडला असल्याची नागरिकांमध्ये चर्चा होत आहे. 
या संदर्भात या युवकाचे राहुरीतील नगरपालिकेजवळ हॉटेल असून काही दिवसापासून आजारी असल्याने ते मानसिक तणावात होते. 
काल दुपारी एक वाजण्याच्या सुमारास त्यांनी घरी येऊन जेवण केले व तिसऱ्या मजल्यावर जाऊन त्यांनी पंख्याला नायलॉन दोरी बांधून त्या दोरीने गळफास घेतला त्यानंतर त्यांच्या पत्नीने हा प्रकार पाहिल्यानंतर जोर जोरात आरडा ओरड केली, त्यावेळी परिसरातील सामाजिक कार्यकर्ते महेश उदावंत, नारायण धोंगडे, श्रेयस लोळगे, राजू बुऱ्हाडे सचिन बुऱ्हाडे , सोमा गुजर, आणि इतर तरुणांनी त्यांना ग्रामीण रुग्णालयात दाखल केले असता वैद्यकीय अधिकाऱ्यांनी उपचारापूर्वीच ते मयत झाल्याचे सांगितले. त्यांच्या पश्चात पत्नी,एक मुलगा एक मुलगी, भाऊ अजय नगरकर व भावजई असा परिवार असून त्यांच्या निधनामुळे सर्वत्र दुःख व्यक्त करण्यात येत आहे. या घटनेची माहिती मिळाल्यानंतर पोलीस निरीक्षक संजय ठेंगे यांनी सहाय्यक फौजदार तुळशीराम गीते व नदीम शेख यांना घटनास्थळी पाठवून पंचनामा केला. राहुरी पोलिसात अकस्मात मृत्यूची नोंद करण्यात आली असून या घटनेचा पुढील तपास पोलीस निरीक्षक संजय ठेंगे यांच्या मार्गदर्शनाखाली स.फौ.तुळशीराम गीते हे करीत आहे.