अंगणवाडी भरती प्रकरणी आ.हिकमत उढाण यांची लक्षवेधी;सीडीपीओ तात्काळ निलंबित 

आधुनिक केसरी न्यूज

घनसावंगी : तालुक्यात राबविण्यात आलेल्या अंगणवाडी भरती प्रकरणी येथील महिला व बालविकास प्रकल्प अधिकारी यांनी काही महिलांकडून पैसे घेऊन नियुक्ती केल्याची बाब समोर आली होती.याप्रकरणी सदरील कॉल रेकॉर्डिंग सर्वत्र समाज माध्यमांवर व्हायरल झालेली आहे . याबाबत सदरील बालविकास प्रकल्प अधिकारी यांच्यावर कडक कारवाई करून त्यांना निलंबित करण्याची लक्षवेधी भूमिका तालुक्याचे आमदार डॉ हिकमत उढाण यांनी गुरुवारी (ता.१०) विधानसभेत सुरू असलेल्या पावसाळी अधिवेशनात मांडली.
याबाबत अधिक माहिती अशी की, महिला व बालकल्याण विभागामार्फत तालुक्यात अंगणवाडी सेविका व मदतनीस यांची भरती प्रक्रिया राबविण्यात आली होती.एप्रिले मे महिन्यात सदरील पदासाठी पदभरती करण्यात आली.मात्र या पदभरतीत गुणानूक्रम न बघता पैसे घेऊन नियुक्ती केल्याची बाब निर्दशनास आली होती.या दरम्यान तालुक्यातील काही महिलांनी येथील बालविकास प्रकल्प कार्यालयासमोर उपोषणाला बसल्या होत्या.या उपोषणाला आ.उढाण यांनी भेट देऊन संबंधित अधिकारी यांची चौकशी करून दोषींवर आढळणाऱ्यावर कडक कारवाई करण्याचे आश्वासन दिले होते.शिवाय आ.हिकमत उढाण यांनी याप्रकरणात लक्षवेधी भूमिका मांडली होती.दोषी अधिकारी यांच्यावर निलंबनाची कारवाई करण्याची मागणी केली होती.मंत्री मेघना साकोरे -बोर्डीकर यांनी संबंधित प्रकरणी चौकशी प्रकिया पूर्ण झालेली असून चौकशी अंती सदरील बालविकास प्रकल्प अधिकारी यांना निलंबित करण्यात आल्याचे आश्वासन दिले.