रॉयल लॉज वर पोलीसांचा छापा वेश्या व्यवसायाचा पर्दापाश

आधुनिक केसरी न्यूज 

  श्रीकांत बरकते

कळंब : नायगाव-मुरुड रोडवरील रॉयल लॉजमध्ये अवैध वेश्या व्यवसाय सुरू असल्याच्या गोपनीय माहितीवरून शिराढोण पोलिसांनी आज 11/06/2026 रोजी छापा टाकला. डमी ग्राहक पाठवून केलेल्या कारवाईत 2 पिडीत महिलांची सुटका करून लॉज मॅनेजरला अटक करण्यात आली. पोलिस स्टेशन शिराढोणचे स.पो.नि. डी.बी. कोळेकर यांच्या पथकाने दोन पंच व महिला पंचांसह लॉजवर धाड टाकली. छाप्यात सांगली जिल्ह्यातील 2 महिला आढळून आल्या. त्यांना पैशाचे आमिष दाखवून नायगाव शिवारातील रॉयल लॉजमध्ये बोलावून वेश्या व्यवसाय करून घेतला जात होता. 

लॉज मॅनेजर अजय अच्युत रसाळ, रा. दत्तनगर मुरुड जि. लातूर याला ताब्यात घेण्यात आले. लॉज मालक अक्षय दादासाहेब घोगरे, रा. दत्तनगर मुरुड हा पळून गेला. दोघांविरुद्ध BNS कलम 143, 144(2), 3(5) सह अनैतिक व्यापार प्रतिबंध अधिनियम 1956 कलम 3,4,5,6 अन्वये गुन्हा रजि.नं. 141/2026 दाखल झाला आहे. पिडीत महिलांना वैद्यकीय तपासणीनंतर लातूर महिला सुधारगृहात दाखल केले आहे. पुढील तपास अनैतिक व्यापार प्रतिबंध कक्ष धाराशिवचे पो.नि. शेळके करत आहेत.ही कारवाई एसपी धाराशिव मा. खोखर मॅडम, अप्पर एसपी श्री. पांडकर यांच्या मार्गदर्शनाखाली व एसडीपीओ कळंब श्री. संजय पवार यांच्या देखरेखीखाली झाली.