आधुनिक केसरी न्यूज
देगलूर माणिक सुर्यवंशी
देगलूर : शहरासाठी सुमारे एका महिन्यांपूर्वी दाखल झालेल्या पाच नवीन इलेक्ट्रिक बसपैकी एका बसवर ट्रॅक्टर लावून ओढत नेण्याची वेळ आल्याचा व्हिडिओ सध्या सोशल मीडियावर चर्चेचा विषय ठरत आहे.
अत्याधुनिक सुविधा आणि पर्यावरणपूरक वाहतूक व्यवस्था उपलब्ध करून देण्याच्या उद्देशाने या इलेक्ट्रिक बस देगलूर शहरात दाखल झाल्या होत्या. मात्र, एवढ्या कमी कालावधीत बसमध्ये बिघाड झाल्याने ट्रॅक्टरच्या सहाय्याने ती ओढून न्यावी लागल्याचे दिसून येत आहे. या घटनेमुळे नागरिकांकडून बसच्या दर्जाबाबत तसेच देखभालीबाबत प्रश्न उपस्थित केले जात आहेत. संबंधित अधिकाऱ्यांनी नेमका बिघाड काय झाला आणि बस ट्रॅक्टरने का ओढावी लागली, याबाबत स्पष्टीकरण देण्याची मागणी नागरिकांकडून होत आहे.दरम्यान, संबंधित विभागाकडून अधिकृत माहिती मिळाल्यानंतरच्या घटनेचे नेमके कारण स्पष्ट होणार आहे.
Comment List