आधुनिक केसरी न्यूज
सचिन सरतापे
म्हसवड सातारा : म्हसवड पोलीस ठाणे हद्दीतील अवैध दारू, ताडी विक्रीला आळा घालण्यासाठी सपोनि अक्षय सोनवणे यांनी धडाकेबाज मोहीम राबवली असून अवघ्या एका दिवसात ३ ठिकाणी छापा टाकून तब्बल १८० लिटर ताडी तसेच देशी व विदेशी दारू जप्त करण्यात आली आहे. याप्रकरणी तिघांविरुध्द महाराष्ट्र दारूबंदी अधिनियमान्वये गुन्हे दाखल करण्यात आले आहेत. ही कारवाई म्हसवड पोलिसांच्या क्शन मोडचे उत्तम उदाहरण ठरत आहे. अवैध धंद्यांवर पोलिसांनी पुन्हा एकदा दणका दिला आहे. या मोहीमेमुळे अवैध दारू विक्रेत्यांमध्ये खळबळ उडाली आहे.
गुन्हे दाखल झालेल्या आरोपींची नावे पुढीलप्रमाणे दादासो किसन खुपकर (रा. पळसावडे, ता. माण, जि. सातारा), अशोक गुलाब बनसोडे (रा. इंजबाव, ता. माण, जि. सातारा), आनंदराव बाळू बनसोडे (रा. रांजणी, ता. माण, जि. सातारा) या कारवाईत सहभागी झालेल्या अधिकारी व अंमलदारांनी संयम आणि दक्षतेने कामगिरी बजावली. ही विशेष मोहीम पुढील अधिकाऱ्यांच्या मार्गदर्शनाखाली पार पडली. जिल्हा पोलीस अधीक्षक तुषार दोशी, अप्पर पोलीस अधीक्षक वैशाली कडूकर, उपविभागीय पोलीस अधिकारी अश्विनी शेंडगे, सपोनि अक्षय सोनवणे, सुभाष भोसले, रूपाली फडतरे, मैना हांगे, नीता पळे, सुरेश हांगे, नवनाथ शिरकुळे, युवराज खाडे, हर्षदा गडदे यांनी सहभाग घेतला. येणाऱ्या काळातही अशीच ठोस व प्रभावी कारवाई सातत्याने राबवली जाणार असल्याचे पोलिसांनी स्पष्ट केले.
Comment List