काँग्रेसच्या शहराध्यक्षांचा राजीनामा..!

आधुनिक केसरी न्यूज

वरोडा : वरोडा शहर काँग्रेसचे अध्यक्ष विलास टिपले यांनी आपल्या शहर अध्यक्ष पदाचा राजीनामा दिला आहे. त्यांच्या राजीनाम्याच्या वृत्ताने त्यांच्या चाहत्यात खळबळ माजली असून त्यांचा राजीनामा हा शहरात चर्चेचा विषय बनला आहे.विलास टिपले हे काँग्रेसचे निष्ठावंत कार्यकर्ते आहे. राज्याचे माजी मंत्री स्वर्गीय संजय देवतळे यांचे ते समर्थक होते. संजय देवतळे यांनी भाजपमध्ये प्रवेश केल्यानंतरही ते मात्र काँग्रेसची पक्षाशी एकनिष्ठ राहिले व पक्षासाठी आपले योगदान देत राहिले. त्यामुळे ते शहर काँग्रेस अध्यक्ष पदापर्यंत पोहोचू शकले. दरम्यान ते वरोरा नगर परिषदेचे अध्यक्ष म्हणूनही निवडल्या गेले होते. त्यांनी आपल्या कार्यकर्त्यात विकासात्मक कामावर भर दिला होता. त्यांनी आपल्या पदाचा राजीनामा पक्षश्रेष्ठीकडे दोन महिन्यापूर्वीच दिला होता.मात्र 22 जून रोज रविवारला समाज माध्यमावर आलेल्या एका पोस्टमुळे चर्चेला उधाण आले. विधानसभा निवडणुकीनंतर आपणास कार्यातून मुक्त करण्यात यावे अशी सूचना त्यांनी पक्षश्रेष्ठींकडे केली होती.मात्र विलास टिपले यांनी राजीनामा का दिला हा प्रश्न मात्र अनुत्तरीत आहे.