आधुनिक केसरी न्यूज
नांदेड : लोहा तालुक्यातील मारतळा येथे दिवसाढवळ्या तोंडावर गुंगीचे औषध फवारुन एका व्यापाऱ्याला चोरट्यांनी जबर मारहाण करुन १० हजार रुपये पळविले आहे. मारतळा येथे मंगळवारी बाजार असताना ही घडल्यामुळे खळबळ माजली आहे. सदर व्यापार्यांनी उस्माननगर पोलिस ठाण्यात धाव घेतली आहे. वैद्यकीय उपचारासाठी जखमी व्यापारी माधव गोविंदराव उबाळे यास वैद्यकीय उपचारासाठी नांदेड येथे पाठविण्यात आले आहे.
याबाबतची सविस्तर माहिती अशी नांदेड तालुक्यातील गाडेगाव येथील माधव गोविंदराव उबाळे यांनी गेल्या आठ दिवसांपूर्वी शेतीचे औजारे विक्रीचे दुकान टाकले आहे. व्यापारी माधव गोविंदराव उबाळे हे दुपारी चार वाजता लघुशंका करण्यासाठी दुकानाबाहेर पडले असता अज्ञात दोन ते तीन जण मोटारसायकल वरून आले. त्यांच्या जवळ असलेले गुंगीचे औषध माधव उबाळे यांच्या तोंडावर फवारले. त्यावेळी माधव उबाळे यांना काही कळत नसल्यामुळे तीन ते चार जणांनी बेदम मारहाण करुन त्यांच्या खिशातील १० हजार रुपये काढून घेतले. या मारहाणीत माधव गोविंदराव उबाळे हे गंभीर जखमी झाले. त्यावेळी बाजारात उपस्थित असलेले नागरिक धावत आले. त्यामुळे सदर व्यापारी यांचे प्राण वाचले. मंगळवार रोजी मारतळा येथे मोठा आठवडी बाजार भरतो आठवडी बाजाराच्या दिवशी मामा मंगल कार्यालयासमोर ही घटना घडली आहे. सदर घटनेमुळे मारतळा येथे दहशतीचे वातावरण पसरले असून व्यापारी वर्गात भितीचे वातावरण पसरले आहे. सदरील घटना ही जखमी माधव गोविंदराव उबाळे यांच्या नातेवाईकांना समजताच त्यांनी मारतळा येथे धाव घेतली. जखमी अवस्थेत त्यांनी मारतळा येथील असलेल्या ठिकाणी धाव घेऊन तक्रार दिली. पोलिसांनी त्यांना वैद्यकीय उपचारासाठी प्राथमिक आरोग्य केंद्र कापसी बु येथे पाठवून दिले. कापसी बु येथील वैद्यकीय अधिकारी यांनी प्राथमिक उपचार करून अधिक उपचारासाठी नांदेड येथे पाठविले आहे. जखमी मा़धव गोविंदराव उबाळे हे जखमी अवस्थेत उस्माननगर पोलिस ठाण्यात गेले असून उस्मान नगर पोलिस याबाबत काय चौकशी करणार व आरोपीला पकडणार का असा प्रश्न व्यापारी उपस्थित करत आहेत.
Comment List