“रांगांना पूर्णविराम! पोलीस बंदोबस्तात गॅस वितरण; घरपोच सेवा व OTPमुळे काळाबाजारावर आळा”

आधुनिक केसरी न्यूज 

गडचिरोली जिल्ह्यात गॅस टंचाईमुळे एजन्सीसमोर लागणाऱ्या लांबलचक रांगांमुळे नागरिकांमध्ये तीव्र नाराजी व रोष निर्माण झाला होता. शासनाकडून मुबलक साठ्याचा दावा केला जात असला तरी प्रत्यक्षात नागरिकांना तासन्तास प्रतीक्षा करावी लागत होती. नागरिकांचा वाढता रोष लक्षात घेऊन जिल्हाधिकारी व पोलीस प्रशासन तातडीने घटनास्थळी दाखल झाले व परिस्थितीचा प्रत्यक्ष आढावा घेतला. कोणताही अनुचित प्रकार घडू नये यासाठी पोलीस बंदोबस्तात गॅस वितरण सुरू करण्यात आले, त्यामुळे रांगांमधील गोंधळ मोठ्या प्रमाणात कमी झाला. प्रशासनाने यावेळी महत्त्वाचा निर्णय घेत यापुढे एजन्सीसमोरून थेट गॅस वाटप बंद करून घरपोच सेवा सुरू करण्याचे निर्देश दिले आहेत. तसेच, प्रत्येक ग्राहकाला सिलेंडर देताना OTP प्रणाली अनिवार्य करण्यात आली आहे, ज्यामुळे वितरणात पारदर्शकता निर्माण होणार आहे.या उपाययोजनांमुळे नागरिकांना मोठा दिलासा मिळण्याची शक्यता असून, गॅसचा काळाबाजार, साठेबाजी व गैरव्यवहारांवर प्रभावी नियंत्रण येईल, असा विश्वास व्यक्त होत आहे.

फायदे (घरगुती) : पोलीस बंदोबस्तामुळे सुरक्षित व शिस्तबद्ध वितरण

रांगा व गर्दीवर मोठा आळा
घरपोच सेवेमुळे नागरिकांची सोय वाढली
OTP प्रणालीमुळे पारदर्शकता व काळाबाजारावर नियंत्रणतो

तोटे (घरगुती) : घरपोच सेवेमुळे वितरणात विलंब होण्याची शक्यता ग्रामीण भागात OTP/नेटवर्क समस्यातातडीच्या गरजेसाठी तत्काळ सिलेंडर उपलब्ध होण्यात अडचणीया उपाययोजनांमुळे गॅस वितरणात शिस्त व पारदर्शकता वाढली असली, तरी घरपोच सेवा वेळेत मिळण्यासाठी व्यवस्था अधिक सक्षम करणे गरजेचे आहे.