आधुनिक केसरी न्यूज
नांदेड : शहरातील प्रसिद्ध व मध्यभागी असलेले माता गुजरीजी विसावा उद्यानात उद्यान रक्षक हनुमंते स्वतः वैयक्तिक यूपीआय स्कॅन कोडवर उद्यानात जाणाऱ्या साठीचे शुल्क घेत असताना नांदेड शहर वाघाळा महानगरपालिकेचे उपमहापौर दीपकजी रावत यांनी स्टिंग ऑपरेशन करून रंगेहात पकडले आणि हनमंते यांना नोकरीतून तात्पुरते सस्पेंड केले असल्याचे मनपा उद्यान प्रशासनाकडून कळाले आहे. दिनांक 27 फेब्रुवारी 2026 रोजी प्राप्त झालेल्या माहितीच्या आधारे ती खात्री करून घेण्यासाठी उपमहापौर श्री दीपकजी रावत स्वतः माता गुजरीजी विसावा उद्यानात मनपाचे उद्यान अधीक्षक फराहत बेग यांच्या सोबत पोहोचले. आणि त्यांना उद्यानात प्रवेश करताना गणेश हनमंते हे स्वतः च्या स्कॅन कोडवर लोकांकडून प्रवेश शुल्क घेत असल्याचे त्यांच्या निदर्शनास आले. गणेश हनुमंत हे उद्यानात माळी या पदावर कार्यरत होते .त्यांच्याकडे मनपाने उद्यानात प्रवेश करणाऱ्यांसाठी बुकिंगची सुद्धा जबाबदारी सोपवली होती. माध्यम प्रतिनिधींनी संबंधिताची प्रत्यक्ष चर्चा केल्यानंतर पुढील बाबी स्पष्ट झाल्या.
*मनपाचे उद्यान अधीक्षक फराहत बेग:
" महापौरांनी जेव्हा स्टिंग ऑपरेशन केले त्यावेळेस मी त्यांच्यासोबत होतो. आणि गणेश हनमंते यांना पुराव्यासह वैयक्तिक यूपीआय स्कॅन कोडवर लोकांकडून उद्यानात जाण्यासाठीचे प्रवेश शुल्क घेताना पकडले असून त्यांना तात्पुरते सस्पेंड केलेले आहे. किती दिवसापासून हा प्रकार सुरू होता ? किती पैसे त्यांच्या यूपीआय आयडीवरती गेले ?याची चौकशी सुरू आहे. "उपमहापौर दीपकजी रावत : " गणेश हनुमंते या सस्पेंड केले असून वैयक्तिक यूपीआय बँक अकाउंट ची चौकशी सुरू आहे त्यानंतरच कळेल की किती रुपयाचा अपहार झाला आहे. "
Comment List