खंडाळा ग्रामपंचायत चा भोंगळ कारभार अखेर उघडकीस  ; सरपंच श्रीमती कौशाबाई थोरात अपात्र 

आधुनिक केसरी न्यूज 

वैजापूर : वैजापूर तालुक्यातील सर्वात मोठी ग्रामपंचायत असलेली खंडाळा ग्रामपंचायत चा नुकताच भोंगळ कारभार उघडकीस झाला असून यात खंडाळा येथील ग्रामपंचायत सदस्य तथा सरपंच श्रीमती कौशाबाई थोरात यांना छत्रपती संभाजीनगर चे विभागीय आयुक्त मधुकर अर्दड यांनी सरपंच पदावरून काढून टाकत उर्वरित कालावधीसाठी अपात्र घोषित केले आहे.

या अपात्र आदेशात मुख्य कार्यकारी अधिकारी, जिल्हा परिषद छत्रपती संभाजीनगर यांनी प्रतिवादी कौशाबाई चांगदेव थोरात, सरपंच, ग्रामपंचयत खंडाळा वैजापूर यांच्या विरोधातील गट विकास अधिकारी, पंचायत समिती, वैजापूर यांच्या चौकशी अहवाला आधारे महाराष्ट्र ग्रामपंचायत अधिनियम,१९५८ चे कलम ३९(1) अन्यये कार्यवाही करणे बाबतचा दाखल केलेला प्रस्ताव जा.क्र. जिप औ /३ पंचायत/कावि -900/3034/2023, दिनांक 27/07/2023, मुख्य कार्यकारी अधिकारी, जिल्हा परिषद, छत्रपत्ती संभाजीनगर यांची धारणा खोटी व संशयास्पद असल्याने अमान्य करण्यात आल्याचे म्हटले असून 

तसेच प्रतिवादी श्रीमती कौशाबाई चांगदेव थोरात,सरपंच,ग्रामपंचायत खंडाळा,ता.वैजापूर,जि.छत्रपती संभाजीनगर यांनी त्यांचे सरपंच पदाचे कालावधीत केलेली नियमबाह्य कृती महाराष्ट्र ग्रामपंचायत अधिनियम, १९५८ चे कलम ३९(1)  मध्ये विनिर्दिष्ट केलेल्या कृतीबद्दल दोषी आढळून आाले असल्यामुळे त्यांना ग्रामपंचायत खंडाळा,ता.वैजापूर,जि. छत्रपती संभाजीनगर येथील सरपंच पदावरून सांप्रत ग्रामपंचायतच्या उर्वरीत कालावधीसाठी अपात्र घोषीत करीत आहे.

तसेच सर्व संबंधिताना सदरील आदेशाची प्रत कळवून प्रकरण या न्यायालयात बंद करण्यात आली असून ही संचिका अभिलेख कक्षात वर्ग करण्यात आली असल्याचे म्हटले आहे.

सरपंच यांना अधिकार नसताना  बनावट वारस प्रमाणपत्र बनवून दिले तथा विभागीय आयुक्त कार्यालय छत्रपती संभाजीनगर येथे झालेल्या सुनावणीत सरपंच यांनी तोंडी म्हणणे मांडत माझी स्वाक्षरी त्या वारस प्रमाणपत्र नसून ती दुसरी कोणी केल्याचे म्हटले तसेच ग्रामविकास अधिकारी यांनी मी तेव्हा खंडाळा ग्रामपंचायत येथे कार्यरत नव्हतो असे म्हटले असून इतर सरपंच स्वाक्षरी चे काही पुरावे सादर केले यावरून स्वाक्षरी एकच असल्याचे लक्ष्यात आले म्हणून अन भविष्यात चुकीच्या कामात तसेच बेकायदेशीर पद्धतीने काम होऊ नये म्हणून श्रीमती कौशाबाई थोरात यांना उर्वरित ग्रामपंचायत कालावधीसाठी अपात्र ठरविण्यात आले आहे.

विशेष म्हणजे जर सरपंच यांनी स्वाक्षरी केली नसेल तर स्वाक्षरी कोणाची याचा ही तपास होऊन कारवाई होणे गरजेचे आहे  तसेच असाच काही प्रकार अजून झालेला तर नाही ना अशी खंडाळा पंचक्रोशीत चर्चा बघावायस मिळत आहे.