आसूड उगारायला शिकवलंत तुम्ही
व्यवस्थेच्या चिंधड्या करण्याची ताकद
आहात तुम्ही…
शेटजी भटजी ह्या शत्रूची
ओळख करून दिलित तुम्ही…
शिवाजी राजाचा पराक्रम
अन मातीतल्या मावळ्यांचा
इतिहास अख्ख्या जगाला
सांगितलात तुम्ही…
खरंतर फुलेबाबा
शाहीर म्हणून मला भावतात
तुम्ही…
तुमचे सत्यशोधक जलसे आज
व्यवस्था परिवर्तनाच्या लढाईत
मैलाचा दगड ठरलेत…
‘तृतीय रत्न’ नाटक ब्राम्हणशाहीची
फसवेगिरी उघड करतं…
‘गुलामगिरी’ लढण्यासाठीचं
बळ मनगटात देतं…
फुलेबाबा तुम्ही अन सावित्री
मायेनं शिक्षणाची
क्रांतीज्योत माझ्यात पेटवलीत
ती क्रांतीज्योत मुक्ता, फातिमा
ह्यांनी जशी पेटती ठेवली.
आजही तशीच धगधगत राहील…
अशोक बनकर
About The Author
mahaveer ghar sansar
Latest News
12 Mar 2026 22:32:17
आधुनिक केसरी न्यूज चंद्रपूर : दि.12 जागतिक स्तरावर निर्माण होत असलेल्या युद्धजन्य परिस्थितीच्या पार्श्वभूमीवर इंधन तुटवड्याची शक्यता लक्षात घेता घरगुती...
Comment List