आधुनिक केसरी न्यूज
नांदेड : शहरातील महात्मा गांधी मिशन संचलित अभियांत्रिकी महाविद्यालयातील निवृत्त सेवकाने व्यकीत देयकापोटी अंगावर पेट्रोल ओतून आत्मदहन करण्याचा प्रयत्न केला. हा प्रकार १३ मार्च रोजी दुपारी २ वाजता एमजीएम कॉलेजमध्ये घडला.
महात्मा गांधी मिशन संचलित अभियांत्रिकी महाविद्यालय एअरपोर्ट नजीक आहे. या महाविद्यालयात सेवक पदावरून निवृत्त झालेले सुनील रामकृष्ण कुलकर्णी (वय ६१) हे १३ मार्च रोजी महाविद्यालयात आले. त्यांचे थकीत देयके महाविद्यालय प्रशासन देत नसल्यामुळे ते त्रस्त झाले होते. त्यांनी रागाच्या भरात अंगावर पेट्रोल टाकून आत्महत्येचा प्रयत्न केला. त्याच वेळी तेथील कर्मचारी व विद्यार्थ्यांनी सुनील कुलकर्णी त्यांना त्यापासून मज्जाव केला. परंतु त्यात ते भाजल्या गेले. अधिक उपचारासाठी त्यांना आधार हॉस्पिटल येथे दाखल करण्यात आले आहे. याप्रकरणी विमानतळ पोलिस ठाण्यात अद्याप गुन्हा दाखल करण्यात आला नाही.
Comment List