छत्रपती संभाजीनगरमध्ये बिबट्याची दहशत ; नागरिकांमध्ये भीतीचे वातावरण

By Aadhunik Kesari

On 17 Jul 2024 13:29:21

छत्रपती संभाजीनगरमध्ये बिबट्याची दहशत ; नागरिकांमध्ये भीतीचे वातावरण

आधुनिक केसरी न्यूज

छत्रपती संभाजीनगर : शहरात प्रमुख व गजबजलेल्या वसाहतीत सोमवारी पहाटे ३.३० च्या सुमारास बिबट्या सदृश प्राण्याचे दर्शन सीसीटिव्ही मध्ये कैद झाले. याला वनविभागाकडून अधिकृत दुजोरा मिळालेला नसला तरी स्थानिक रहिवाशांनी सीसीटिव्हीचे फुटेजचा आधार घेत तो बिबट्याच असल्याचा दावा केला आहे. उल्का नगरी या अत्यंत उच्चभ्रू वसाहतीतील साईशरण पेट्रोलपंप नजीकच्या खिंवसरा पार्कजवळच्या प्लॉट नं. ६४ च्या आसपास मोकळी जागा असून त्या भागात सुमारे ३०० झाडे आहेत. याच ठिकाणी झाडांआडून पळताना बिबट्या पळत आहे. या संदर्भात नगरसेवक दिलीप थोरात यांनी तो प्राणी बिबट्याच असून सुरुवातीला आम्हाला अफवा वाटली, पण सीसीटिव्ही फुटेज पाहता तो बिबट्याच असल्याचे दिसते, असे सांगितले. दरम्यान, या फुटेज समाज माध्यमांवर प्रसारित झाल्याने परिसरातील रहिवाशांमध्ये भीतीचे वातावरण पसरले आहे.