आधुनिक केसरी न्यूज
जळगाव जा : जळगाव जामोद विधानसभेमध्ये पार पडलेल्या निवडणुकीचा निकाल उद्या लागणार असून ९ उमेदवारांच्या भाग्याचा फैसला उद्या होणार आहे.मतमोजणीसाठी प्रशासन सज्ज असून जळगाव जामोद शहरातील नवीन प्रशासकीय इमारतीमध्ये सकाळी आठ वाजता पासून मतमोजणीला सुरुवात होणार आहे मतमोजणीसाठी 14 टेबल असून 23 फेऱ्यांमध्ये मतमोजणी होणार आहे.प्रत्येक टेबलवर एक कोतवाल, मतमोजणी अधिकारी, पर्यवेक्षक व निरिक्षकाची नियुक्ती करण्यात आली आहे.
सुरक्षेच्या दृष्टिकोनातून पोलीस प्रशासनाचा तगडा बंदोबस्त सुद्धा करण्यात आलेला आहे.जळगाव जामोद मतदार संघात २० तारखेला ३१७ मतदान केंद्रावर मतदानाची प्रक्रिया पार पडली.यावेळी २,२५,३२६ मतदारांनी मतदानाचा हक्क बजावला.यावेळी मतदारांमध्ये प्रचंड उत्साह मिळाला.मतदार संघात एकूण सरासरी ७३.५४ टक्के मतदान झाले असून, उदय होणाऱ्या निवडणुकीच्या निकालामध्ये भाग्याचा फेसला होणार आहे.
Comment List